Ka Tichna Oserumo

[1]
Ka tichna oserumo
kendo ayudo warruok,
Kaseruakora gi kido ma ok tow,
Anang`e Jawarna
kaseidho loka kocha,
En e ng`a ma nadwar
neno mokwongo.

Anang`eye, anang`eye,
Ka nanera gi Ruoth
wang` gi wang`;
Anang`eye, anang`eye,
Kaneno luetene ka mogur.

[2]
Anayud mor e chunya
ka aneno kwonde bet,
Ma Ruodhwa oiko ni joge maler;
Anapak Ruoth Jawarna
kuom ng`wonone gi hera,
Moyie mondo ayud kar bet e polo.

[3]
Kendo jogo ma notho
ka gigeno Yesu Ruoth,
Ananegi kendo kuro e polo;
To kasechopo malo
anyo, dala mar Nyasaye,
Mokwongo adwaro neno Jawarna.

[4]
Anadonji e dhorangach
mar dala Nyasachwa,
Kuyo kata pi wang`
onge kanyo ngang`.
Anawer wend locho
kaachiel gi jo mowar duto,
To agombo chutho
neno wang` Jawar.