Bedi Kod An

[1]
Bedi koda, piny koro yusona;
Polo to chido, Yesu bed koda;
Ka onge moro madhi konyoa,
Jakony jochan Iwuon, bedi koda.

[2]
Chieng` ndalona to koro rumona;
Gik managombo tinde kadhona;
Duto maneno lokore to tho,
In mak ilokori, bedi koda.

[3]
Pile achando, to adwaroi,
In kendi inyalo teko mar Jachien;
In kendi itera, In midemboa,
E mudho be e chieng`, bedi koda.

[4]
Onge maluoro, In kibed koda,
Eka masira dak oloya ngang`;
Tho to ok rach; to liel onyal ang`o?
An bend` aloyogi, ka In koda.

[5]
Chieng` tho inyisa kaka In nitho;
Ka piny ochido polo ek` orieny;
Chieng` cha noru, to mudho duto orum,
Kangima, kat` atho, bedi koda.