Onge Gima Anyalo Rito

[1]
Onge gima anyalo rito,
Mak mana Ngima Mochwere;
Duto ma digala anawegi katho, onge
gima anyalo rito. x2

[2]
Ere gima disikie piny,
Mak nowang’ ka chieng’ giko piny?
Gi pinyni duto ma uneno koro
giniwang’ ka Yesu biro. x2

[3]
Ng’at mariek koro omak Jawar,
Ochiw chunye, Yesu oketie kom;
Enowuoth kod Roho mamenyonwa yor
kwe nyak’ ochopie Dalano maler. x2

[4]
Ndalo osechopo ogendini gipogore.
Roho koro nyago piny gi wach.
Onge ng’a mong’eyo kata jo mariek
singo mar Yesu kuom Roho Maler. x2

[5]
Ngima Yesu osingo ni ji duto.
Nyasaye ok dwar chwechne odhi e
Mach.
To mak mana herani miherogodo
richo emomiyo koro inidhiye Mach. x2

[6]
Teko mar pinyni orem gi ka;
Rieko mar piny bende orem gi ka.
Ber piny bende orem ok ochopo e
Polo, to ber mar Polo osiko ma nyaka
chieng’. x2

[7]
Ogend pinyni ok chiw Ngima,
Kata ogend polo ok chiw Ngimano.
Wuone g’owete bende gin e piny, to
onge manyalo chiwo Ngima. x2

[8]
Koro omiyo apako Yesu Ruoth;
Jaherana Yesu apako ma nyaka
chieng’.
Nene okecha nono e kind ogendini
monyisa wang’ yor Ngima ma Nyaka
Chieng’. x2

[9]
Koro neuru Yesu ochiwo tich.
Weche oserumo ogendini gipogore.
Ere ng’ama nyalo donjo e Dala Mogen
mak otimo mana gima Ruoth oyie? x2

[10]
Koro neuru ndalo osechopo.
Kik ing’i ng’eyi, to chik nyimi tir.
Jopiny nonego Yesu gi jogo mane
luwe in to koro nitony nadi? x2