Mise mar Kanisa

(Dwonde chalo gi “Keduru jo ka Yesu“)
[1]
To mise mar kanisa En Yesu Kristo
Ruoth,
Kanisa nosechweyo Gi pi gi wach
maler.
Nolor ni mond’ olose Ka miahane
maler,
Gi rembe noseng’iewe Kuom ngimane
notho.

[2]
Ogandane moyiero Kuom jo modak e
piny
Gigeno Kristo kende; Giyie gi nywol
manyien.
Gipako nying Ruoth Yesu; Gichamo
chiemo achiel.
Gigeno gik me polo Gi ng’wono kodi
ler.

[3]
Jopinyni wuoro chutho Kuom
chandruokne mapek
Moyudo ei tichne Kuom puonj
mapogore.
To jomaler adier Gilemo kendo ywak,
Gichal jo manie mudho, To lergi biro
rieny.

[4]
E chandruok moseyudo, E lwenjege
mager,
Orito ndalo giko Gi kwe ma ok norum.
Ka duong’ mar Ruoth nofwenyre,
Gibiro il adier,
Kanisa moselocho Nobed gi mor adier.

[5]
E piny ka en gi riwruok Gi Ruoth
Nyasaye maduong’;
To bende en gi riwruok Gi ji mobet gi
Ruoth.
Wakwayi, Ruoth, ikonywa Ni mondo
wan ka gin
Wabed mangima kodgi Kwadak kama
intie.