Wende Jo Kristo

No description added

Dholuo 142 Songs

Jakwath Nokwayo Rombege

[1]
Jakwath nokwayo rombege
Pierochiko gochiko,
To achiel kuomgi nolalne
Ma notimo piero apar.
Adier nolal e got moro;
Ne en ku mabor ma onge Jakwath. x2

[2]
Rombe pierochiko gochiko
Ok romi, yaye, Ruoth?
To en orwakoi gang’o
Kuom achiel mobayo yo?
To godno bende rach chutho,
Kik ichandori kamano, Ruoth. x2

[3]
Rombega ne gidoko piero apar
Ma nahero adiera,
Kat’ achiel kuomgi olalna,
Ok dak ayie ngang’!
Kata yo obet marach kama,
Adhina e thim manyo rombo. x2

[4]
Ne onge ng’ato kat’ achiel
Ma nong’eyo chandruokne,
Komanyo e thim mak ojoki ngang’
Nyak’ owinjo duonde;
Nonwang’e koywak kool marach,
Ne en ka malich kodwaro tho. x2

[5]
Jakwath noting’e mos komor,
Notere dalane;
Nowacho ni joge niya:
“Moruru koro maber;
T’asenwang’o nyarombona
Ma yande olal e thim ku mabor.“ x2

[6]
To Yesu nene omanyowa,
Nochandore e piny,
Notho kuom rombege duto,
To rombege ni wan.
Malaika gimor ngang’
Ka gineno ng’a molokore. x2

Support Mysongbooks

Support us by joining the Buy Me A Coffee community and making a small donation, you can help us expand our library and ensure that music lovers everywhere can enjoy their favorite songs to the fullest. We're passionate about music, and we know you are too, so let's work together to keep the music alive.

Thank you for being a part of our community and supporting our mission to provide the best lyrics library on the internet.