WERICHU OGAS IT SIGIKWOK

[1]
Kongoi we Jehova ne kiyai ne mie
En betuniginye agoi betunieb raini. x2

Ara anyun werichu si ogas it sigikwok
En kiy age tugul ago ne siire ko Kiptaiyat
Ye ogas it sigikwok kosulda sirutik
Che kimwa Paulo kole si iwe keny en ng'wony. x2

[2]
Sase katigonet werit any ne berber
Ago epchin it katigonet anyun ine ne ng'om. x2

[3]
Kimwawech Paulo en Epesoek lo
Koitet agenge kole ogas it sigikwok
Kimwa anyun kole teech kwan ak komet
Niton ng'atutiet ne bo tai koboto kayomiset. x2

[4]
Ongisib imanda, ongisib mieindo
Ak ongisib chamnyet ak ongerib kayanet
Ye kisib chu tugul en ng'wonduni kimi
Kenyoru katiaget en olin bo ga kipsengwet. x2

[5]
Saisere werichu ogas it ng'alechu
Ogas it sigikwok en Kiptaiyat Jesu Kristo
Oteegis sigikwok, oteegis che o tupche
Oteegis chi tugul asi kosulda ng'atutiet. x2