JESU NENYON

[1]
Kongoi Jehova ne kichamech kot
Ne kichamech kot koyokwech Jesu
Ne kigimanagach en tamirmiriet
Kisich inendet bergeiyat Maria

Jesu nenyon kiptaiyandenyon
Jesu nenyon ne yetindenyon
Jesu nenyon kasobindenyon
Jesu nenyon katiagindenyon.

[2]
Ye kinga kocham ine konyo ng'wony
Ko kicheng' kobar inendet Herod
Kiimweita Kwanda ine koloit
Kimut inendet kwo agoi Misiri

[3]
Kingogagome laitoriat Herod
Kimut inendet agoi Nasaret
Kisulda anyun en maoinatet
Kiguure ine Nasaretindet.

[4]
King'eet en yoton kwo agoi Galili
Ole kiyai kwong'utik che chang'
Kiguur inendet alamaiyenyin
Ak ki bichoton taman ak aeng'.

[5]
Kingwo en yoton koit Perea
Ak kikwai kogeny alamalyenyin
Ak ki bichoton tamanwogik tisab
Kiyokto Jesu bik aeng' aeng'.

[6]
Jesu nenyon ne tinye rirge
Kiptaiyandenyon ne kigigartat
En betusiekab bounatetab
Bounatetab bikab Romanik.

[7]
Chamech Jehova anyun we bikyok
Kinyo kocheng'ech kingemi luset
Ak kilewenech keigu lagokyik
Kanyoljech anyun kesib inendet. x2