BWA CHEPTANYUN

(Ki nyiganet ne kim Jepta)
Kingoruokyi Isirael asi koterter bunikywak. x2

[1]
En tieniton tupchosiekyok kegase chi ne ki nyigan
Ak ng'alekyik che kigamwa agobo nyiganatenyin. x2

[2]
Kingo negit si kobarge ak Amorik ine Jepta
Kole neng'ung' inye Kwanda kiy tugul ne torokwan. x2

[3]
Kiwo anyun luget Jepta ak kotoret Jehovanyon
Kingoweekse ko kitoroch cheptanyin ne inegen. x2

(Bwa cheptanyun,bwa cheptanyun)
Kegonan anyeratit ak i age en che inyalilan. x2

[4]
Ko amun kigagoaror noton koik korosiot
Ko kiigoito en chamnyet amun kiiywei Jehova. x2

[5]
Ara obwati nee anyun che kioyosiechi Jehova
Olenji ki lagoguk che maweekse let en koigeny. x2
(Ongesigun, ongesigun)
Asi ye nyo yetindenyon konyorwech ko kichobot. x2