NI LATA KU BULELA LIKANDE

[1]
Ni lata ku bulela likande le linde,
Ki la Jesu ni kanya, ni lilato la Hae;
Ni lata ku kandeka, kakuli na ziba;
Ki likande la niti, ku fita amang'wi.

MAKUTELO:
Ni lata ku kandeka, ni li eze lushango,
Ku bulela likande la 'lato la Jesu.

[2]
Ni lata ku bulela manzwi a makaza,
Ki a fita matangu, ku fita litolo;
Ni lata ku kandeka, mi a ni tusize,
Mi ki lona libaka ha ni ku zibisa.

[3]
Ni lata ku bulela, bunde ku li peta,
Ka nako ni nako, li munati-nati;
Ni lata ku zibisa, ba ba sika utwa,
Likande la puluso, lizwa mwa Bibele.

[4]
Ni lata ku bulela ku ba ba li ziba,
Ni bona ba nyolilwe, cwalo ka ba bang'wi,
Muta ni 'nzi ku Jesu, ni opela pina,
Yona taba ya kale, ye ne ni latile.