BAHALI BA JESU, A MU YE KWA NDWA!

[1]
Bahali ba Jesu! A mu ye kwa ndwa,
Ni sifapano sa Jesu kwa pili;
Kelesite Jesu, wa etelela,
Zwela pili mwa ndwa, bona ndembela.

MAKUTELO:
Bahali ba Jesu, A mu ye kwa ndwa,
Ni sifapano sa Jesu fa pili.

[2]
Ha lu bat'o koma, sila sa saba,
Ki fo he buhali, a lu hape ndwa!
Mukosi wa lila, mabita 'njanja,
Banna, mu tiise pina ya mina.

[3]
Ba ya inge mwa ndwa, batu ba Jesu,
Banna lu nga nzila ya balumeli;
Lu sa kauhani, lunto ilin'wi,
Sepo ni tumelo ni mwa lilato.

[4]
Mabona a ile, Ee ni mibuso,
Keleke ya Jesu i sa siyezi;
Libita ha li na ku ipwenkisa
Sepiso ya Jesu, Ha i fokoli.

[5]
A mu tahe batu! Lu t'o kopana,
Lu bine hamoho pina ya tulo;
Kanya ni likuta li be ku Jesu,
Ki pina ya batu ni man'eloi.