WIHOKE MWATHANI RUGENDO-INI

[1]
Wĩhoke Mwathani rũgendo-inĩ
Na ũmũmenye wega ũtarĩ nganja
Ona wona thĩna tiga guoya
Wĩ guoko-inĩ gwake ndũkahotwo

[2]
Ndũgathikĩrĩrie ndeto cia andũ
Rĩrĩa wĩna hinya menya wega
Nĩ wĩtĩkĩrĩtio ũmenyithie andũ
Jesu nĩ Mũkũũri wa kĩrĩndĩ

[3]
Arĩa marĩ mbere rũgendo-inĩ
Mbaara ya mwĩrĩ-inĩ maikaire atĩa
Na kwarĩ mathĩna rũgendo-inĩ
Na ikeno na mĩago ya gũkũ thĩ?

[4]
Marũmagĩrĩra hĩndĩ ciothe
Roho mũtongoria maiyũrĩtwo
Nĩ wathĩki mũingĩ rũgendo-inĩ
Nginya magĩtoria mbara cia thĩ

[5]
Tiga kuoyanĩria mũndũ witũ,
Ũthamaki wa Roho na wa mwĩrĩ
Ndũngĩhotanĩria ndagũthaitha
Tigana na mwĩrĩ ũthiĩ rũgendo

[6]
Na ũkire na ngoro ũmenye wega
Meciria ma mwĩrĩ mendaga atĩa
Mendaga gũtiga waga muoyo
Na mwĩrĩ ũgatigwo ũtuĩke tĩri

[7]
Cũthĩrĩria Jesu Mwendwa witũ
Rĩtwa rĩake etagwo Wa mathĩna
Nĩ atoririe magerio na thĩna
Nĩguo tũgakinya gwa Ithe witũ

[8]
Arĩa maregire ũhoro wama
Makiuga nĩ ahũthũ rũgendo-inĩ
Matiri na ũturo gwa Ithe witũ
Kũrĩa metereirwo nĩ mwaki-inĩ.