TUKU-INI MA JOHANA URIA WABATITHAGIA ANDU

[1]
Matukũ-inĩ ma Johana ũrĩa wabatithagia andũ
Nĩahunjirie ũhoro mwega werũ-inĩ wa Judea
Akĩhunjia nĩ amerire marĩkia kũgomana othe
Mwĩrirei ũthamaki wa Igũrũ nĩũkuhĩrĩirie

[2]
Johana nĩonire thĩna nguo ehumbaga ya guoya
Wa ngamĩra na arĩaga ngigĩ na ũũkĩ wa hako
Ehotorete njohero na mũkwa akĩbatithia andũ
Rũĩ-inĩ rwa Jorodani akiumbura nĩ amerire

[3]
Afarisai moka na Asandukai amerire
Rũciaro rũrũ rwa nyoka nũ ũmũkinyĩirie ũhoro
Mweherere marakara marĩa Ngai agaitĩrĩria
Andũ arĩa me ngoro njũru matũraga thĩ-ĩno mehagia

[4]
Thiĩi mũciare maciaro maringaine na kwĩrira
Ngoro-inĩ mũtigecirie mwĩ ciana cia Iburahĩmu
Ngai ena hinya wa kuuga mahiga momũ ta maya
Magarũrũke matuĩke rũciaro rwa Iburahĩmu

[5]
Johana akĩmabatithia ndamahithire amerire
Rĩu ndĩmũbatithagia na maaĩ nĩguo mwĩrire
Ũrĩa ũgũũka thutha wakwa ũcio ena hinya kũngĩra
Watho wake nĩ mũnene na ituĩro rĩake nĩ inene
[6]
Nĩ Jesu Johana oigire atĩ we akabatithia andũ
Na Roho Mũtheru na ma andũ ake matuĩke athingu
Na marega gũtuĩka ega mĩtugo yao yagĩre
Magatuwo maragara mahĩhio matuĩke mũhũ