THI INO NDIRI NA UHURUKO

[1]
Thĩ ĩno ndĩri ũhuruko na ndĩri na handũ
Kũndũ gwakwa nĩ matu-inĩ nĩkuo ngahurũka

Nĩngũtoria ngahuruke matu-inĩ igũrũ
Kũu nĩkuo ngaikaraga na arĩa manakinya

[2]
Thĩ-ĩno ndũraga na thĩna na ruo rũnene
Njetereire gũthiĩ igũrũ nokuo ngahurũka.

[3]
Thĩ ĩno nduraga na thina na kũhinyĩrĩrio
Mũthenya ũmwe nĩ ngakinya njeherere thĩna[10]

[4]
Ona ndona thĩna mũingĩ na ruo rũnene
Ndĩna wĩhoko mũnene thĩ-ĩno ndigũtũũra.

[5]
Ona mbaara ĩngĩneneha ya rũgendo rũrũ
Nĩ ngũtoria ndĩhokete rĩtwa rĩa Mwathani.

[6]
Ona mbura ĩngiura nene na nduma ĩnenehe
Ona kũgĩe na ũtenderũ nĩ ngwĩyũmĩrĩria

[7]
Nĩ ngũtuĩkania kĩrĩti gĩa thĩ-ĩno gĩothe
O nginya rĩrĩa ngoimĩra mũciĩ wa matu-inĩ.

[8]
Mwathani wakwa kĩnjoe njũke kũu narua
Njũke hurũke mĩnoga ya rũgendo rũrũ.