RUGENDO RWAKU URUMENYE

[1]
Rũgendo rwaku ũrũmenye
Rwĩna mĩtego mĩingĩ
Nĩ ũndũ nĩ rwĩhotoreirwo
Nĩ arĩa othe makũũĩ

[2]
Roho ni mũira wa ngoro
Ndathuranagia ta mũndũ
Ndaroraga ũmbo wa thĩ
Nĩ muĩra wa ngoro theru

[3]
Mũtikahumbwo maitho
Nĩ maya mothe mũrona
Ithe wa atherũ arona mothe
Atheru mũmehũgĩre.

[4]
Mũhunjĩrie thĩ na ciĩko
Nĩ amu nĩ njũgĩ namayo
Mathĩ mũmatige o thĩ
Mũtikahotwo nĩ thĩ

[5]
Mwahotwo mũkũrigwo
Nĩ tanji ĩrĩa mũigiĩrũo
Muoyanĩrie ũthamaki wa
Ngoro na wa mwĩrĩ.

[6]
Mutigatherie ithithi
Maroho mathũgũtaine
Nĩ ũndũ maya marĩ thĩ
Megũthirĩra o thĩ ĩno.

[7]
Mbaara ikoniĩ maroho
Teyanĩriai mwendane
Mwĩhumbĩte thayu ũrĩa
Mũhande maroho manyu.

[8]
Thayũ ũrĩa mũgaithitio
Tiwa kwenda kwa mũndũ
Nĩ mwathani thĩi-inĩ wanyu
Atheru nĩ ha ũũgĩ

[9]
Arĩa mwarĩ njĩra ĩmwe
Nĩo makoya ĩrũa
Mathiĩ magagũtuĩre
Mehumbĩte ũrũmwe wa thĩ

[10]
Marĩtwa manyu marĩ ho
Kuuma o rĩũmbĩro rĩa thĩ
No ũũgĩ wanyu ndũmenya
Ũũĩ o gũciarwo gwa thi.