ROHO WA DANIELI NI UIRA WAMA

[1]
Roho wa Danieli nĩ ũira wa ma
Wagũtumbũrĩra gĩtĩ gĩa ciira
Kĩrĩa Jehova agacira aikarĩire
Gĩgatherũka mwaki tarĩ gĩthima

[2]
Mũtũmwo wa Jehova mwĩhokeku
Na ndathaithĩkaga kana ahorerio
Na ndendaga gĩko endaga ũndũ wa ma
Nĩ mwaki tondũ guo nduoyaga ihaki

[3]
Shaitani arĩkia kũrakaria Ngai
Nĩ mwaki werirwo ũkamũherithia
Tondũ ndũrĩ tha ningĩ ndũrĩ itherũ
Ũhingagia ta ũrĩa Ngai awathĩte

[4]
Njĩra ĩrĩa ya mũgũnda wa Edeni
Jehova nĩamĩhingĩte na mwaki
Nĩkũmenya nĩ wa ma ndũngĩhenio
Nĩ Adamu o na kana mũcukani

[5]
Ndungata cia ũthamaki wa igũrũ
Gũtirĩ ndungata theru ta mwaki
Watũmirwo Sodomu na Gomora
Ũkĩruta wĩra ũtarĩ na mathangania

[6]
Roho ahanaine na mwaki ũgwakana
Nĩaharũrũkire Jerusalemu
Agĩikarĩra mĩtwe ya atũmwo othe
Agayũkanĩte akahaana rũrĩrĩmbĩ

[7]
Marĩĩtwa ma atũmwo acio nĩmo maya
Petero na Jakubu na Johana
Marĩ na Andarea na Filipu
Toma ningĩ Barithoromayo

[8]
Mathayo na Jakubu wa Alufayo
Ona Simioni Zelote na Juda
Na Mathia ũrĩa atũmwo mahoeire
Atuĩke wa kũhingia ikũmi na erĩ

[9]
Gĩtina kĩu gĩakirwo nĩ Jesu
Gĩkĩrathimĩrwo hinya na ũhoti
Gĩgĩtũma Jesu ambwo mũtĩ-igũrũ
Gĩgĩtherio kĩiyũrie maciaro thĩ.