PETERO NA JOHANA MAGITHII KUHOYA

[1]
Petero na Johana magĩthiĩ kũhoya
Kĩonje gĩaikaire mũromo-inĩ
Kiamahoya thendi Petero akĩmwĩra
Thĩ-inĩ wa rĩtwa rĩu ũkĩra.

Thahabu gũtiarĩ na betha gũtiarĩ
Rĩtwa rĩa Jesu kũhonania
Petero arĩgweta rĩkĩhonia kĩonje
Thĩ-inĩ wa Rĩtwa rĩu ũkĩra

[2]
Kwarĩ ũhoti mũingĩ akĩriũkia Lazaro
Kũu itũra-inĩ rĩa Bethania
Akinya mungu-inĩ agĩtana Lazaro
Thĩ-inĩ wa Rĩtwa rĩu ũkĩra

[3]
Ni aringirwo nĩ tha akinya Bethania
Ona ũrĩa maagite gwĩtĩkia
Akiuga nĩ niĩ muoyo na nĩ niĩ kũriũka
Thĩ-inĩ wa Rĩtwa rĩu ũkĩra.

[4]
Kĩrĩndĩ kĩoimĩte matũra-inĩ mao
Makĩhuta marĩ werũ-inĩ
Jesu akĩmahũnia marĩ ngiri nyingĩ
Thĩ-inĩ wa rĩtwa rĩu ũkĩra

[5]
Kwarĩ ũhoti mũingĩ Petero athiĩ Jopa
Ona ũrĩa maagĩte wĩtĩkio
Akinya ngoroba agĩtana Tabitha
Thĩ-inĩ wa rĩtwa rĩu ũkĩra

[6]
Nawe ũhonoketio ũgacoka gũcũnga
Thĩ-inĩ wa Rĩtwa rĩu ũkĩra
Jesu nĩ aragwĩta ũrute wĩra wake
Thĩ-inĩ wa rĩtwa rĩu ũkĩra

[7]
Kũmenwo na gũcambio nĩ irio cia mũgendi
Ũrĩa ũrorete kũu igũrũ
Mamũiguĩra ũũru makĩmũthitanga
Makĩmwambithia mũtĩ igũrũ.

[8]
Makĩriganĩrwo nĩ mawĩra mothe
Marĩa atũire amarutagĩra
Kũruta ndaimono na kũhonia cionje
Thĩ-inĩ wa Rĩtwa rĩu ũkĩra