Nyimbo Cia Kiroho

No description added.

Kikuyu 464 Songs

ONAINGIKORWO NDURAGA

[1]
Onaingĩkorwo ndũraga thĩ-ĩno na maithori
Ngwĩyũria na ngoro yakwa no ngakinya igũrũ
Nĩ njũĩ no ngahotana nĩ nĩnjĩrĩgĩrĩire.
Gĩkeno gĩakwa nĩ njũĩ ngatũra na Jesũ.

[2]
Hatarĩ nganja nĩ njũĩ rũgendo-inĩ rwakwa.
Hinya na ũhoti mũingĩ ma hetwo nĩ Mwathani
Ndirĩ hingo ngetigĩra hinya wa Shaitani.
Gĩkeno gĩakwa nĩ njũĩ ngatũra na Jesũ.

[3]
Mbara ciothe na magerio rũgendo-inĩ rwakwa.
Nĩ njũĩ nĩ kĩmenyithia ndirĩ wa gũkũ thĩ.
Mũthenya ũkirie gũkinya ndonye kĩhurũko.
Gĩkeno gĩakwa nĩ njũĩ ngatũra na Jesũ.

[4]
Mwathani nĩ anjũthĩrĩirie rĩu ndĩ mbara-inĩ.
Kana nĩingũhotanĩra thũmbĩ ya ũthamaki
Ndarĩkia kũhotanĩra nyambate matu-inĩ.
Gĩkeno gĩakwa nĩ njũĩ ngatũra na Jesũ.

[5]
Ndĩhokete Mũtongoria Roho wa Mwathani
Ona nduma ĩngĩneneha na mbara ĩingĩhe.
Shaitani nĩagaconoka ndahota mbara-inĩ
Gĩkeno gĩakwa nĩ njũĩ ngatũra na Jesũ.

[6]
Ngoro yakwa tiga gũoya kana mathangania
Ndirĩ hingo ngaconoka ũthiũ-inĩ wa Mwathani.
Mũcemanio-inĩ wa Atherũ gĩtĩ-inĩ kĩa ũnene
Gĩkeno gĩakwa nĩ njũi ngatũra na Jesũ.

[7]
Mũthenya wa marakara nĩ ũgakĩnyĩrira
Arĩa maikaraga tũhũ na matingĩmenya.
Atĩ mũndũ gũku thĩ ndarĩ na kĩhurũko.
Gĩkeno gĩakwa nĩ njũĩ ngatũra na Jesũ.

[8]
Ndagũthaitha ngwenda ũmenye Mwirĩ nĩũgathira.
Ndũrĩ na kĩrĩgiriro mũciĩ ũcio wa Igũrũ.
Na nĩkĩo wĩriragĩria ikeno cia gũthira.
Gĩkeno gĩakwa nĩ njũĩ ngatura na Jesũ.

Support Mysongbooks

Support us by joining the Buy Me A Coffee community and making a small donation, you can help us expand our library and ensure that music lovers everywhere can enjoy their favorite songs to the fullest. We're passionate about music, and we know you are too, so let's work together to keep the music alive.

Thank you for being a part of our community and supporting our mission to provide the best lyrics library on the internet.