ONA KWI IHORU NO NDAGIUKA

[1]
Ona kwĩ ihoru no ndagĩũka
Ona njiyũrĩtwo nĩ kĩeha
Nĩ njũũi harĩa unjigĩte
Ndĩ o mũgũthaithi ũronjigua.

[2]
Kĩeha na ihoru cinjiyuire
Ndacũthĩrĩria wĩĩra Waku
Ũrĩa ũkũngĩirwo nĩ mwĩkĩ naĩ
Akĩenda kũũthutha aũthukie

[3]
Wambe ũririkane mũrũguo
Agĩcokere mũndũ thĩ
Ũringwo nĩ tha ciaku Mũrungu
Ndũkarekererie Mwakano

[4]
Mũndũ Wa thĩ no Wamethahia
Egũmagĩra na mwĩĩro
Ndũgatindĩrĩe matirũka
Ona ndũkarore matithia

[5]
Wi mũrĩithi wa ruru rwaku
Wĩ mwaki mwĩgunyi wa ciana
Nĩ gũkorwo ikĩonja nĩ ũmenyaga
Ona igĩtũrũha nĩ ũciũĩ.

[6]
Kĩone nĩo aya mahoreire
O metereire kĩugo gĩaku
Magũtegeire matũ ũkĩmere
O ũrĩa wendo wakũ ũtariĩ.

[7]
Kĩiguĩre ũrĩa matumũka moiga
Mambararĩtie moko mao
Makwarĩire hĩ ciao ũkĩmahe
Kĩrĩa ũngĩona kĩmagĩrĩire.

[8]
Nĩ macoka moina ndu ciao
Rĩũ no gũkũgathĩrĩria
Nĩ ũndũ wa gwĩtĩka wametĩka
Na wamomĩrĩria makĩria.

[9]
Baba gĩtũũre ũkumuthaga
Kĩama gĩki weka gĩa thayũ
Nĩ getha mothiu mao monana
Ũmũndũ wawetha ũkawaga.