NYUMIRIIRWO NI MUGAMBO

[1]
Nyumĩrĩirwo nĩ mũgambo umĩte igũrũ
Ũkanjĩra ndĩna haaro ndarega kwĩrira
Naniĩ ndĩna kĩeha mũno ngoro-inĩ yakwa
Tondũ ndirĩ ndĩrerira o nginya tene

Ng’ombe na mbũri na mbia itirĩ na bata
Ndĩyoneire ũhonokio ũrĩ kwa Mwathani

[2]
Ngũikia maitho ngona Jesu arĩ rĩera-inĩ
Akĩheneria na moko twambate igũrũ
O na ingĩcambio nĩ andũ kana mamene
Ngĩonaga riri wa Jesu ndĩ na gĩkeno

[3]
Ngũikia maitho ngona mwaki ũrĩ gwa Shaitani
Ngoria nĩkĩ kĩngĩtũma ndĩweherere?
Nguona mĩago na morirũ ihaana tũhũ
Nyũmba yakwa na ũrĩrĩ irĩ kwa Jesu

[4]
Andũ aingĩ matuĩte atĩrĩ na ngoro ciao
Ngetĩkia Mwathani Jesu ndamuona na maitho
Na niĩ ngũmwĩra atĩrĩ arata akwa
Jesu ndonagwo na maitho tiga ngoro

[5]
Mũthuri ũyũ mũtumia mwĩna kĩrĩro
Wĩriri ũmũkinyĩire mwawagĩra bata
Mwanake uyũ mũirĩtu uyũ mwĩna kĩrĩro
Wĩriri ũmũkinyĩire mwawagĩra bata

[6]
Nĩmũheetwo ihinda rĩega rĩa kwĩrira
No mũthenya wa Mwathani hatirĩ na thaa
Jesu atindaga akĩmwĩra nĩ amwetereire
Na inyuĩ no kũhenererio nĩ mĩago ya thĩ ĩno

[7]
Nĩ nginya rĩ mugutura murĩ ndungata,
Cia Shaitani amwathage akĩmuhuraga
Jesu Kristo nĩaramwĩta arĩ na wendo
Mungĩtĩkia na mwĩrire ndakamutiga

[8]
Mwatũmirwo nĩ Mwathani mũkahunjĩrie andũ
Mũkĩona mĩago ya thĩ ĩno ĩkĩmũhenereria
Mangĩkoora nĩ mũkorio thakame yao
O hamwe na mĩoyo yao mũthenya wa ciira.