NYENDAGA KUMENYA KANA NINGAKINYA

[1]
Nyendaga kũmenya kana nĩngakinya,
Ũthamaki inĩ ũcio wa igũrũ.
Tondũ kũrĩ aĩngĩ mendaga gũkinya,
Makorĩra mũhuro wa riũa.

[2]
Jesu nĩetereire arĩa othe mendaga kũhonokĩo.
Nokĩo atũmire Roho gũkũ thĩ,
Oke acagũranie ngano na thawani,
Ngano ĩikio ikũmbi rĩa Mwathani.

[3]
Ngoma eĩtaga ngai wa thĩ-ĩno yothe
Na nĩaiyũrĩtie thigari ciake.
We wĩ wa Ngai kana wĩ wa ngoma
Wĩ kũrane na maciaro maku.

[4]
Magai magaywo aingĩ makarĩra,
Maheo bendera cĩa mwaki-ĩnĩ
Maingatwo nĩ Araika marorio mwaki-inĩ
Tondũ nĩmanyaririre Roho.

[5]
Mathani nĩ ikũmi, na watho nĩ muingĩ
Ngai aheire ciana cia Adamu,
Amwe ngoma nĩamagucĩrĩirie
Aregi othe magatwarwo riko.

[6]
Jesu hotithia nĩguo ngakinya gwaku
Na ũthererie njĩra ino wega.
Tondũ ngoma ahandĩte ithukĩ, na ũtonga
Nĩguo ahĩtithagie ciana cia Ngai.

[7]
Wenda gwĩtĩkia ĩtĩkia kana ũrege,
Tondũ Jesũ ndakaga gũka thĩ,
Na ndakaga gũgũtuĩra na kĩhoto.
Ukĩendaga kana ũtekwenda.

[8]
Mũrata wabatithio tiga gũkena,
Ona wakorũo wĩ mũnabĩi.
Geragia na hinya gũthaithaga Ngai,
Thutha-inĩ ndugatuike Judasi

[9]
Magai no merĩ Jesũ akaheana,
Mũndũ nĩethurĩre rĩrĩa e kwenda.
Akorwo nĩ muoyo akorwo nĩ mwaki,
Jesũ agakũhe na ndericũkwo.