NU UTANGIIGUA KIEHA

[1]
Nũ ũtangĩigua kĩeha
Na ũtangĩrĩra mimo,
Nĩkũona Jesu agĩthĩnio
Haũ mũtharaba-inĩ.
Akorwo nĩ athĩnirio
Akorwo nĩ akuire.
Endaga gũtũhonokia
Tũkinye mwago-inĩ

[2]
Mũgũnda wa Gethsemane
Anyitwo nĩ kĩeha,
O rĩmwe agĩthithina
Thakame nyingĩ mũno
Tiga Mũraika ũmwe,
Wokire akĩmũtira
Nĩangĩakuire hĩndĩ ĩyo
Ni ũndũ wa mehia maitũ.

[3]
Ndũiyũkie ngeithi Mwathani
Nĩgũo oiga Judasi
Orĩmwe akĩmũmumunya
Akĩra athigari
Uyũ nĩwe mũnyitei
Mũmuohe na ndakore
Mũngĩenda kũmuraga
Ũhoro nĩ wanyũ.

[4]
Athigari mamũnyita
Mamuoha na mĩkanda
Utũkũ mamũtwarire
Kũrĩ Pontio Pilato,
Nake ũcio amũcirithie,
Akĩmũria ũrĩ Ngai?
Nake Jesu akĩmwĩra
Nama ndĩ Ngai nĩ ũkanyona.

[5]
Petero orio nĩ mũirĩtu
Kai ũrĩ wa Jesu?
Nake Mũtũmwo Mũnene akiuga
Ndiri wake
Akana Jesu gatatũ
Nayo ngũkũ ĩkĩgamba
Akĩinama akĩrira
Aririkana ũguo.

[6]
Pilato kaĩ ũtarĩ thoni
Rĩrĩa ũgwĩka mahĩtia
Watiga Mwathani waku,
Waiyũkia na Shaitani?
Tondũ wa guoya mũthũku
Wohorithia Baraba,
Wanengera Ayahudi
Mwathani mamũrage.