NINJUI O WEGA NDI RUGENDO-INI

[1]
Nĩnjuĩ o wega ndĩ rũgendo-inĩ,
Rwa gũthiĩ matũ-inĩ ndingĩhurũka
Tondũ thĩ-ĩno yothe ndirĩ na igai,
Ciothe cia thĩ-ĩno no ciagũthira.

[2]
Maitho ma mwĩrĩ meroragĩra,
Morirũ ma thĩ ĩno ngoro ĩkagega.
Meciria ma mũndũ makehenagia,
Gũtonya ikenero nĩũndũ wa tũhũ.

[3]
Maũndũ no merĩ gĩkuũ na muoyo,
Gĩkuũ nĩ hinguro ya kũhingũra.
Mũromo wa muoyo tũkinye igũrũ,
Kũu gwa ithe witũ tũkinye igũrũ.

[4]
Nawe wahenirio nĩ mĩago ya thĩ,
Matũ-inĩ nĩũkona wĩ mũndũ mũkĩa.
Tũkĩheo igai rĩa ĩkeno ciitũ,
Na tanji ya muoyo twĩriragĩria

[5]
Roho ekwĩra mũndũ wa mathangania
Mũtino ni mũndũ wa ngoro igĩrĩ.
Tondũ ngoro yake nĩ itithangagia,
Gũtonya ikenero nĩ kũrĩ hinya.

[6]
Nguuga ngoro yakwa ĩna gĩkeno,
Mwago wa matu-inĩ nĩtũkawona.
Twahingia gũthera ta irĩkanĩro
Cia watho wa Jesũ Mwathani witũ.

[7]
Bũrũri wa igũrũ na riri waguo,
Na ũthiũ wa Ithe witũ twĩriragĩria,
Tũkawona na maitho na tĩ ma mwĩrĩ.
Nĩ maitho ma Roho twoima mwirĩ-inĩ

[8]
Mwago tũkonaga twakinya igũrũ,
Tũthiũrurũkĩrie gĩtĩ kĩa ũnene.
Twĩhumbite riri wa nguo njerũ
Tũkĩgocaga Jesũ twĩ na gĩkeno.

[9]
Mbũtũ cĩa arĩa atheru hamwe na Araĩka.
Nĩmagakenaga makĩrorera
Magetha ma Roho twakinya igũrũ.
Shaitani na andũ ake maikio mwaki-inĩ