NII NINGWIYURIA NDI GUKU THI INO

[1]
Nĩi nĩngwĩyũria ndĩ gũkũ thĩ ĩno
Jesu agĩũka hihi nĩi nĩngakorwo ho?
Wega wa Mwathani ũnyingĩhĩire
Hinya na ũcamba na ũmĩrĩru?
Matiendaga Jesu
Mekĩrĩire nda ciao ta arĩ Ngai

[2]
Kĩhurũko kĩega kĩrĩ matu-inĩ
Thĩ ĩno ndĩrĩ mwago kana ũhurũko
Tũrĩ a kũnyarirwo nĩ athamaki a thĩ
Tũteithie Mwathani tũmagĩrĩrie

[3]
Tũrĩ a kũnyarirwo gũkũ thĩ guothe
O nginya cikaro ciitũ inyarirwo
Nayo mĩĩrĩ iitũ ĩnyarirwo mũno
Mũtigetigĩre oragi a mwĩrĩ

[4]
Anabii atheru nĩmarathire
Na gũtirĩ kiugo gĩtagakinya
Gatũrũme oigire hatirĩ kairia
Kandĩke watho-inĩ gatagakinya

[5]
Roho nĩokire thĩ oimĩte igũrũ
Jesu amũtũmire athambie ndũrĩrĩ
Rĩu atũire gũkũ anyarirĩkaga
Nĩakambata igũrũ gĩikaro gĩake

[6]
Roho acũthĩrĩirio nĩ Araika
Ona agacũthĩrĩrio nĩ Jehova
Jesu no kĩrĩro e gĩthĩnjĩro-inĩ
Uũi-Roho wakwa arĩ ũgwati-inĩ!”

[7]
Jesu agaikũrũka na itu rĩa mbura
Rĩiyũrĩte mwaki wa marakara
Ndũrĩrĩ ciothe thĩ ĩno norĩo ikoiga
Ucio nĩ Mwathani ndoyaga ihaki.