NI NGAI WAHEIRE MWANA WAKE

[1]
Nĩ Ngai waheire Mwana wake
Nguo ya gĩathĩ-inĩ gĩa ũthamaki
Tondũ nĩethũrire nĩguo athambie Jakobu
Na akiuga ndũrĩrĩ itonye muciĩ

[2]
Nĩaturĩirio maru nĩ Araika
Hĩndĩ ĩrĩa ahotire hinya wa thĩ
Na akiuga nĩagocwo nĩ arĩa me rungu
Rwa thĩ na arĩa me iria-inĩ rĩrĩa inene

[3]
Ndũrĩrĩ nĩigwĩtwo kĩrĩma-inĩ
Kĩigĩrĩirwo ihiga rĩna muoyo
Nakĩo nĩ gĩtheru Roho nĩwe kĩrĩma
Kĩnene gũkĩra irĩma ciothe

[4]
Kĩrĩma-inĩ kĩu he na rwĩmbo
Rwa Musa ndungata ya Jehova
Na rwa Gatũrũme makainĩrwo me hamwe
Na arĩa methambĩte na mathani

[5]
Nĩmakagomana harĩ Ngai
Ciana cia Anabii na cia Atũmwo
Na ciana cia Roho megoce na Mathani
Musa e thĩinĩ wao Jesu e mbere

[6]
Magakũnjũrĩrwo hema njerũ
Yambwo igũrũ rĩao nĩ Jehova
Tondũ agakenera wĩra wa Mwana wake
Na arĩa oru mateo gwa Shaitani.