NI JESU WOIGIRE URIA UNYOTII NI OKE ANYUE

[1]
Nĩ Jesu woigĩre ũrĩa ũnyotiĩ
Nĩ oke anyũe maaĩ ngũmũhe
Ngoro-inĩ kũriumaga njũũĩ
Na nĩ cia maaĩ ma kĩroho

Nyota maita nyota no nyota
Na mbia na ithaka no nyota
Ona watonga ndũnyotoka ona thĩ-ĩno ĩngetuĩka yaku

[2]
Daudi atumia aarĩ na aingĩ
Na nĩ oragĩthire Uria
Nĩ getha matigwo na mũka
Nyota ndũngĩninwo nĩ ũnene

[3]
Ngoro iria ihotagwo nĩ nyota
Nĩ iria itoĩ kwĩna gĩthima
Mũtumia Mũsamaria etĩkia nake akĩnyotoka

[4]
Samson anyitwo nĩ nyota
Arega kũmenya gĩthima
Delila akĩmũkũrithia maitho
Githĩ to maciaro ma nyota.

[5]
Sisera tondũ wa kũnyota
Etia maai akĩheo iria
Jaeli na higi na nyondo
Akĩmũhũrĩra thikĩrĩrio

[6]
Akani anyitwo nĩ nyota
Akĩiya kabuti na ikama
Akĩninwo na nyũmba yake
Githĩ to maciaro ma nyota.

[7]
Saul erwo anine indo ciothe
Agĩtigia ndũrũme noru
Ona akĩhonokia Agagi
Githĩ to maciaro ma nyota.