NGUKINYUKIA O KAHORA NJEREKEIRE O MATU-INI

[1]
Ngũkinyũkia o kahora,
Njerekeire o matu-inĩ
Na nĩ njũĩ nĩ ngakinya,
Ngahurũke na Mwathani.

Nĩ wega Ngai Mũtongoria
Nake Jesu nĩ mũgate
Roho waku mũnyotokia
Ndikahũte kana nyote.

[2]
Kũrĩa gũtangĩgereka
Ngathĩ njega Jesu Kristo
Ndikahotwo nĩ ũtenderũ
Kana irĩma rũgendo-inĩ.

[3]
Ngo yakwa ona itimũ rĩakwa
Nĩ mandĩko ma Mwathani
Oro hamwe tũthiaga
Nĩ ĩrio ciakwa rũgendo-inĩ

[4]
Nyamũ njũru na mĩrimũ
Itĩngihota kũhota
Cionaga ngĩakana mwaki
Nĩ kũhumbwo rĩrĩ wake.

[5]
Rĩrĩa nguona ta ingĩnoga
Hinya muingi nĩ heagwo
Ngominirĩa ngarathimwo
Ngakĩnyukia ngarathimwo.

[6]
Shaitani angĩnjũkĩrĩra
Nĩ nyonaga magegania
Nĩ ũndũ nĩ ndĩ na muteithia
Ndikahotwo nĩ magerio.

[7]
Mwarahuki nĩ arahũke
Twĩna mũteithia mbaara-inĩ
Roho wa Ngai nĩ Mũteithia
Ndikahotwo nĩ magerio.

[8]
Mathina makuingĩhĩra
Ma mwĩrĩ na ma ngoro
Itĩa hinya kuũma igũrũ
Na nĩ ũkuona ũhotani