NGAI WA UTHINGU WA IBURAHIMU ITHE WITU

[1]
Ngai wa ũthingu wa Iburahĩmu ithe witũ
Tondũ wa thakame ya, Mũrũguo, thikĩrĩria
Mũthĩnjĩri ũrĩ tha tũitĩrĩrie
Ũtugi wa thakame na maĩ

[2]
Nĩwe mwĩhoko wa ngoro yakwa, ndũgakire
Mehia na waganu na mahĩtia, thambia there
Ũnjĩtĩke urĩ kĩgongona-inĩ
Kĩa matu-inĩ kĩiyũrĩte ũthingu

[3]
Baba nĩ wairire ngoro mĩaka mĩrongo ĩna
Nĩ andũ arĩa warutire Misiri ũkĩmanina
Tiga marakara riganĩrwo
Nĩ mehia maitũ ndũgatũnine

[4]
Ririkana Joshua ngombo yaku we Jehova
Nĩ agĩririe Baba rĩtwa rĩaku rĩconorwo
Maguta marĩa wamũitĩrĩirie
Ndwamaconorithirie ndũrĩrĩ

[5]
Ithandũkũ rĩa mwĩhĩtwa waku rĩrĩa itheru
Jorodani yarĩonire ĩkĩũra nĩũndũ warĩo
Rĩgĩthiũrũrũkĩria Jeriko
Matukũ mũgwanja rĩkiunanga

[6]
Ũhoti waku Jehova Ngai wainainirie
Ngoro cia Athamaki arĩa matũire Kaanani othe
Tondũ mehokete mĩhianano
Nawe ndũtariĩ ta ũguo Ithe witũ

[7]
Ikũrũkĩra ngoro cia athuri na atumia
Na anake na airĩtu na ciana cia ngenge
Wĩna irathimo mĩthemba yothe
Ya kĩrĩkanĩro gĩaku kĩerũ.

[8]
Tha ciaku Mũthĩnjĩri mũnene na mũtugi
Iria weranĩire na maroho ma Anabii
Atĩ nĩ ũkagarũra meciria
Ma ngoro ciothe matuĩke merũ