NGAI NA JESU NA ROHO

[1]
Ngai na Jesu na Roho mageta ndũrĩrĩ ciothe
Na mete Araika othe,marũrũngane ciira-inĩ

Hingũrai matũ mũthikĩrĩrie
Mũthenya wa kũmakia andũ
Ũrĩa Jesu agatua ciira
Aikarĩire ũhoro wa ma
Ta’rĩ gĩtĩ gĩa ũthamaki

[2]
Ituĩro rĩa atongoria othe rĩa gũtonya gĩkeno-inĩ
Nĩ rĩgakorwo rĩ inene na rĩa ruo-inĩ no inene

[3]
Kĩeha kĩnene kĩa andũ arĩa marutanaga maũndũ
Tondũ Jesu nĩ akoragia o mũndũ ũrutani wake

[4]
Atũmwo arĩa mahunjagia nĩ magacokanĩrĩrio
Othe monanie ũhoro ũrĩa mahunjagĩria andũ

[5]
Gũkonganio abatithania moime ndũrĩrĩ-inĩ ciothe
Monanie na ma gĩtũmi kĩa ũrĩa mabatithagia andũ
[6]
Hĩndĩ ĩo athĩnjĩri othe o na ciĩruru cia Jesu
Magetwo monanie othe o mũndũ igongona rĩake

[7]
Roho nĩ ageta Anabii na andũ arĩa othe marathaga
O mũndũ aheane ũira wa ũrathi ũrĩa arathire

[8]
Jesu akonania meciria ma athuri na atumia
Na anake na airĩtu na tũhĩĩ na tũirĩtu

[9]
Ũrĩa mũtheru nĩ etherie Jesu we ndarĩ na ũũru
Nĩ ciĩko ciaku igatũma uge mbu kana ũtheke

[10]
Mĩoyo yothe nĩĩkarĩhio na thakame yothe ĩrihio
Arĩa mahĩtithagia andũ noguo makona mũtino.