NEBUKADINEZARU MUTHAMAKI

[1]
Nebukadinezaru mũthamaki
Ũrĩa wathamakaga Babuloni
Nĩarĩire nyeki mĩaka mũgwanja
Nĩ kwĩona ta arĩ mũnene kwĩ Ngai.

Ndũkĩndirikanage wee Ngai wakwa
Wee ũrũmbũyanagia na mathĩna makwa
Ndũkĩndirikanage ndĩ mbara-inĩ
Onginya ngoima mwĩrĩ-inĩ ũyũ wa gũkua.

[2]
Belishazaru wa Nebukadinazaru
Ũrĩa waremeire watho wa Jehova
Nĩandĩkĩirũo Mene Mene Tekel
Na mũthia akĩandĩkĩrũo Uperesi

[3]
Ndungata ya Ngai yetagwo Danieli
Agĩthoma thiomi agĩcitaũra
Hĩndĩ mũthamaki na gũkĩaga
Mũndũ wa kuga ndegũkua

[4]
Athamaki acio erĩ nĩmariganĩirũo
Makĩaga kumenya Ngai atũire mũoyo
Nake akĩmatuĩra ciira na kĩhoto
Na mũĩ Ngai ndarĩ tha na mwĩhia.

[5]
Nawe mũrũ na mwarĩ wa ithe witũ
Menyerera ndũkaneke ta Saũlu
Watũmirũo akanine amareki.
Agĩtiga ndũrũme iria ciarĩ noru.

[6]
Urĩa wothe wĩhagia nĩ wa ndaimono
Urĩa wĩkaga wega nĩ wa Ngai
Nĩwe ũkaheo thũmbĩ ya mũoyo
Matũũre na Ngai tene na tene.