MWATHANI MUNENE MUTHINJIRI

[1]
Mwathani mũnene mũthĩnjĩri
Hĩndĩ ĩrĩa ehĩtire akiuga na ma,
Utakamũkĩra ũthamaki ta mwana
Ndagatonya mũciĩ wa matu-inĩ.

[2]
Nĩ akuire akĩambata na rĩu arĩ igũrũ,
Na rĩu atũraga athĩnjagĩra
Mahoi mambatĩte ma ngoro theru
Nĩwe ũnengagĩrĩria Jehova.

[3]
Musa atigire ũthamaki wa Misiri
Johana agĩthĩi kũrĩa ngigĩ,
Athondekere Mwathani ngoro ciothe
Ena hinya wa Roho wa Elija.

[4]
Hĩndĩ ĩrĩa matukũ ma thĩ magathira
Hĩndĩ ĩo Jesũ nĩakarahũka.
Ere Baba magetha marĩ gũthira,
Thabibu nĩciathira mũgũnda.
[5]
Hĩndĩ ĩo itonga na eyathi na aregi,
Arĩa matũire megathaga thĩ.
Makarĩra nĩ undu wa mwĩgatho wao,
Kwĩnyihia kwĩgoce he Mwathani

[6]
Inyuĩ andũ arĩa mũrĩ na Roho wa ma
Wega wanyu no mũkirĩrĩrie,
Tondũ rĩu mũrĩ na ũtonga mũnene
Gũkĩra thahabu cia thĩ yothe

[7]
Jesu oragĩirũo kĩ? Wĩciriei mũno,
Oragĩirwo mawaganu maitũ,
Anabii na Atũmwo moragĩiruo kĩ ?
Moragĩirũo kũhingia ũira ũyũ.