MWATHANI JESU NIA GOKA

[1]
Mwathani Jesu Nĩagooka,
Na rũhiũ rwa magetha
Na gĩtĩ kĩa mwago wake,
Na thigari cia igũrũ

[2]
Nĩ cio ndungata cia watho,
Wa kanua ka Mwathani
Nĩigekĩrwo indo cia mbara,
Ciuge ndũrĩrĩ ciĩtwo

[3]
Nĩngona ndũrĩrĩ ciothe,
Iria ikoima gũkũ thĩ
Ciĩhamwe na Iburahĩmu,
Gĩtina kĩa irathimo

[4]
Jesu nĩagaciamũrania,
Tondũ nĩwe Mũrĩithi
Amwe matwarwo muoyo-inĩ,
Arĩa angĩ maikio riiko

[5]
Arĩa magaikio mwaki-inĩ,
Nĩmakarĩra morie
Nĩrĩ Mwathani wa guothe,
Wahanaga mũgendi

[6]
Nanduone ha kũhurũka,
Kana kĩndũ gĩa kũrĩa?
Ndokĩire ngoro-inĩ cianyu,
Ngĩaga maĩ ma kũnyua

[7]
Gũkena na kũrathimwo,
Nĩ ngoro iria horeri
Iria irĩyaga mathani,
Ma kanua ka Mwathani

[8]
Nĩikerwo nũmĩrĩrai,
Nĩ inyuĩ mwendetwo nĩ Awa
Ukaĩ mũheo igai rĩrĩa
Mwathondekeirwo