MWATHANI IGUA THA NDIKAHOTWO

[1]
Mwathani ĩgũa tha ndikahotwo.
Nĩ ngoma rũgendo-inĩ.
Nĩ rwa ngaragu na nyota,
Mwathani ndũthaitire.

[2]
Ngĩona thĩna na magerio,
Mwathani wakwa e mbere.
Ndigacoka gwa Shaitani
, Njĩrĩgĩrĩire muoyo.

[3]
Ingĩmenwo nĩ arata othe
O hamwe na aciari akwa.
Ndĩnengerete Mũkũri.
Anjĩke ũrĩa e kwenda.

[4]
Roho wakwa mwarĩrĩria.
Ndũkandige ndĩ thĩ ĩno.
Nĩgũkorwo ndĩ o mũthĩni,
Ongoro yakwa thĩ-inĩ.

[5]
Nĩngenaga mũno mũno
Nĩkũnjĩurĩa Roho.
Ũrogocwo ũrokumio
Nĩ irĩndĩ iria ikwendete.

[6]
Mũhunokia Jesu witũ.
Nĩagoka na mũmenye
Tondũ tĩ mũrũ wa Adamu.
Ahingagia ciĩranĩro

[7]
Nguuga shaitani arohotwo.
Mũcukani ũrĩ hitho.
Nĩgetha tũthiĩ rũgendo
Tũgikĩnye Zayuni.

[8]
Gĩkeno tũkona igũrũ.
Twarĩkia kũhotana.
Nake shaitani na andũ ake.
Maikio mwaki-inĩ mũũru.

[9]
Mwathani igua tha cia andũ
Makũmenye ũrĩa ũtariĩ.
Na merire mehia narua,
Utanacoka rĩngĩ.

[10]
Iyũrĩa arĩa makwendete,
Roho waku Mũtheru.
Nĩguo mahoote Shaitani,
Mwene ndũma na hitho.