MUTIGAIKARE MWIRIGITWO

[1]
Mũtigaĩkare mwĩrigĩtwo,
Thĩinĩ wa ciĩranĩro njerũ.
Iria mwerĩirũo nĩ Mwathani,
Na rĩu nĩ imũkĩnyĩrĩire
Nake Mwathani arĩ o hakũhi.

[2]
Mũtigakenjo nĩ ũthamaki,
Kana ũtonga wa thĩ nĩ igathira.
Arĩ hakũhĩ ota mũromo-inĩ,
Mwathani acoke na ũthamaki, Wa gũtũura tene na tene.

[3]
Maũndũ maya maroneka,
Nĩmakũhĩngia Ciĩraniro,
Iria Ciĩranĩirũo nĩ Jesu,
Ngoro citũ nĩ thagathage.
Kũinũka mũciĩ wa matu-inĩ

[4]
Rũmagia ciĩraniro,
Mũgĩe na hinya wa irathĩmo,
Mwathani wĩtũ arĩ hakuhĩ
Mwĩkĩre kĩyo mahoya-inĩ,
Na wega na ũtheru wa Ngoro

[5]
Nĩuhetwo maĩtho cũũthĩrĩria,
Ũmenye na ngoro,
Na ũkũrane ũiyũrwo nĩ gũkirĩrĩria.
Mahinda marĩa wetereire,
Matikarehe gĩthethũko.

[6]
Rĩrĩ nĩ ihinda rĩa kwĩrira,
Gũtĩri mwĩhia ũkona Ngai.
Mothamaki ma thĩ mathira.
Ngumwĩra ma no mũkarĩra,
Mwakinya gĩtĩ-inĩ kĩa ũnene.

[7]
Kĩrĩndi gĩothe gĩa gũkũ thĩ,
Kĩhang’anĩtie na ũthamaki.
Na gĩtingimenya nĩ gĩkuũ.
Muayo ũrĩa ũheanĩtwo tũhũ,
Ucĩo makawagĩra bata.

[8]
Andũ a ngarari makarira,
Kĩrĩro kĩa rũo rwa ngoro.
Na kĩeha kĩingĩ na maithori,
Mamenya ihinda nĩ rĩathira.
Na matikahota kwĩrira.