MURATA WAKWA MURATA WA MWATHANI

[1]
Mũrata wakwa mũrata wa Mwathani
Ũkĩra ũthaithane, nĩ niĩ ngwaria nawe tiga gwĩtigĩra

[2]
Ukwĩrwo kwĩ nduma nduma ĩrĩa ndumanu
Rĩrĩa uguthaithana, tondũ njĩra yaku
Yagũthiĩ kwa Baba ĩgereire werũ-inĩ

[3]
Elija athaithire Ngai ena kĩhoto na kĩyo kĩnene,
Mbura ĩkĩaga kura
Danieli athaithana agĩtũmĩrwo Araĩka.

[4]
Jusufu nĩendirio itũra rĩa Misiri
Nĩguo atuĩke ngombo, ĩndĩ ũkombo wake
Ngai akĩũrathima ũgĩtuĩka ũthamaki.

[5]
Ayubu nĩonire thĩna wa maithori
Thĩna ũtarĩ wonwo, mũrata wĩ wa goro
Ukĩra ũthaithane ũririkane tene.

[6]
Nĩkwari ndungata ya goro yetagwo
Ndungata ya Ngai, nĩnjũĩ nĩũmiũĩ
Ndungata ya goro na njamba ĩhinya.

[7]
Musa niacĩarĩtwo na thĩna mũnene
Na ũũgi wa Ngai, atũire na thina emoko-inĩ magikuũ

[8]
Rĩrĩa arĩkĩrie gũtuo ndungata, ndungata ya Ngai
Ahumbirwo riri ũmũndũ ũgĩthira akĩhana ta Ngai.

[9]
Kũrerwo na thĩna gũtirĩ gĩtumi tiga gwĩtigĩra
Ũmenye mũndũ arĩkia gũtuo mũthamaki
nĩwagwĩtigĩrwo

[10]
Mathĩna monetwo nĩ arĩa mena ũtonga nĩ maingĩ
Mũrata marĩkia gũtonga gũtirĩ ũcokaga kwarĩa cia
Mathĩna.