MBARA NI NENE NDI RUGENDO-INI

[1]
Mbara nĩ nene ndĩ rũgendo-inĩ
Nĩ ngwĩhokete Ngai wakwa.
Njĩrĩgĩrĩie Muthenya mwerũ
Wa kũhurũkio kwa arĩa atherũ.
Ngakena mũno gĩkeno kĩingi
Ndoima mwirĩ-inĩ hotanĩte
Ndamenya wega mbaara cia mwĩrĩ
Na ndeto cia andũ nĩ ciathira

[2]
Rũgendo rũrũ ndirĩ na mwago
Kana gĩkeno ndĩ mbara-inĩ
Naniĩ nĩnjũĩ mwĩhoko wakwa
Gĩkeno gĩakwa nĩ Mwathani
Mathina mothe na mbara ciothe
Nĩ njũĩ wega ndahotana.
Mũthenya wakwa wa kũhurũka
Ndigacoka kũririkana

[3]
Shaitani nĩoĩ kĩria wĩnakĩo,
Ngoro-inĩ yaku nĩ ũhonokio,
Ndukanerigwo, wona werigwo
Hingo ya igai nĩ ũkarira.
Mũthenya mwerũ ũcio twetereire,
Jesũ agĩcoka na ũthamaki,
Agwete Kĩhoto na ũnene wa ithe,
Ndũrĩrĩ ciothe nĩikarĩra[10]

[4]
Nĩtũkinyĩte harĩa hatherũ,
Gacũmbĩrĩ-inĩ ga kĩrĩma,
Mwĩrorerei maũgĩ ma andũ,
Nĩ merekeire gũcirithio.
Rũgama wega Ngwatanĩro-inĩ
Nĩ ũkahotana he Mwathani
Mũciĩ Mũtherũ no Ngwatanĩro,
Na wendo mũingĩ kũu igũrũ.

[5]
Ndũrĩrĩ ikona ũtheru wa andũ arĩa
Mahotanĩte rgendo-inĩ,
Marũgamĩte na nguo njerũ,
Na thũmbĩ ciao cia ũhoũnokio
Magĩtua cira hamwe na Jesu
Gĩtĩ-inĩ gĩake gĩa ũthamaki.
Hĩndĩ ĩyo nake Roho Mũtheru
Nĩrĩo akegoca na ũhonokio.

[6]
Nĩ akoiga andũ arĩa mahotanĩte
Maikarĩre itĩ cia ũthamaki,
Nao araika marigicĩirie
Makĩhuhaga mĩtũrirũ
Na tũrumbeta na inanda nyingĩ
Magĩkenera Mũthamaki.
Mbere ya gĩtĩ gĩa ũthamaki ũcio
Ndũrĩrĩ ciothe nĩ ikarĩra.