MAUNDU NO MERI MARIA MARI HO

[1]
Maũndũ no merĩ marĩa marĩho
Mwaki kana muoyo mũndũ ecũranie
Jehova ena magai merĩ ma kũgayania,
Na nĩakahe mũndũ na ndericũkwo

Aremi iguai kana mũikare
Hingũrai matũ kana mũhinge
Gũtirĩ watho mwerũ ũkĩte ũkoima igũrũ
Mũkwĩrwo tiga ũrĩa mwerirwo tene

[2]
Adamu athaithirwo nĩ Ngai akĩrwo
Ndakarĩe mũtĩ ũrĩa marĩkanĩire
Arĩa Ngai akĩmenya akĩigua ũru agĩũkĩra
Ngai akĩmũingata na ndericũkwo

[3]
Nuhu nĩerire andũ tene merire
Akĩmathaithaga na matiĩtĩkie
Maĩ maiyũrire thĩ andũ othe makĩũragwo
Ngai akĩmanina na ndericũkwo

[4]
Sodomu no Loti wahonokire
Tondũ wa ũremi ũrĩa waiyũrĩte kuo
Mwaki ũkiura ta mbura andũ othe makĩũragwo
Ngai akĩmanina na ndericũkwo

[5]
Musa athaithanĩire andũ a Isiraeli
Kwĩ Jehova rĩrĩa matũrĩkĩte
Makĩrekerio nyoka werũ-inĩ makĩũragwo
Ngai akĩmanina na ndericũkwo

[6]
Naguo ũthingu rĩrĩa waikũrũkire
Iburahĩmu oiga nĩawamũkĩra
Magĩa ndũgũ na Ngai ndacokire kwagana
Ngai akĩmũrathima na ndericũkwo

[7]
Shadraka rĩrĩa manyariragwo
Nĩ ũthingu na wĩtikio ciahotanire
Mwaki ũkĩagithio hinya o atatũ makiumĩra
Ngai akĩmahonokia na ndericũkwo

[8]
Nake Jesu rĩrĩa mamũragire
Nĩ ũthingu watũmire gĩkuũ kĩingatwo.
Mũraika akiuma igũrũ akĩhingũra mbĩrĩra,
Ngai akĩmũhonokia na ndericũkwo.