MAUNDU MAINGI MARONEKA

[1]
Maũndũ maingĩ maroneka,
Nĩmakũhingia irĩkanĩro,
Mega na moru nĩ megwĩkwo,
Wĩtherie ũigue ũkahurũke.

Wĩtherie rĩu nĩndakwĩra,
Tondũ he hitho nĩ hithĩte,
Na ũtherũ nĩguo kĩhoto,
Wĩtherie uigue ũkahurũke.

[2]
Ciugo ciake rĩu nĩihingĩte,
Tiga no ũmwe iutigarĩte
Aira ake maitwo thakame
Wĩtherie ũigue ũkahurũke

[3]
Ũguo ngũmwĩra mwĩmenyerere
No ndamerire andũ a tene,
Metherie nĩguo mahonokio,
Maũndũ macio nĩ mwaiguire

[4]
Matukũ maya nĩ mathĩna,
Nguita maithori ngĩmũmenyithia
Airĩtũ ikũmi nĩ marĩ ho,
Wĩtherie ũigue ũkahurũke

[5]
Ndingĩkũhitha mwendi muoyo
Rũmia ciugo iria ũthomaga
Iria ciaririo nĩ Mwathani,
Maheni nĩ marũtanĩtwo

[6]
Ndĩna kĩhoto ndĩmũtherie
Nĩguo ndĩhonokerie andũ akwa,
Ndĩna tha njigũ nĩndakwĩra
Rũmia kũhoya na wendani.

[7]
Hoya mũno ta ũrĩa gwekirwo
Nĩ Ayubu na Loti na Nuhu,
Tiga mĩario mĩingi na andũ,
Rũmia kũhoya na wendani.