MATUKU MA TENE DAUDI ORIRIE

[1]
Matukũ ma tene Daudi oririe
Jehova mũndũ ũrĩa agetĩkĩria
Gũtũũra Hekarũ yake ĩrĩa theru
Atungatagĩre ũthamaki wake

[2]
Arĩa oothe methĩ thikĩrĩriai
Kwaria kwa Jehova ũrĩa acokeirie
Ndungata ĩyo yarĩ ya kwĩhokeka
Ngai oigire nĩ arĩa matariĩ ta ũũ

[3]
Ũrĩa wĩ mĩthiĩre mĩerekereru
Na arutaga wĩra wothe na ũthingu
Na kwaria aragia ũhoro wama
Umĩte mũthithũ wa ngoro yake

[4]
Ningĩ ndarĩ njambio rũrĩmĩ rũake
Maũndũ ma ũhinga ndangĩtĩkĩra
Gwĩka mũndũ ũrĩa ũngĩ mũthiritiwe
Ciugo cia rũmena ndangĩmũkĩra

[5]
Maitho make mona gĩthagathago
Kĩa ngoro iria ciothe itakindagĩria
Nĩaiguaga kĩeha na ruo ngoro
Athaithi Jehova akamakenera

[6]
Mwĩhĩtwa wa ngoro yake nĩ wama
Ndangĩgarũrĩra o na angĩũragwo
Njĩra cia atunyani ndangĩigerera
Kana athũre mũndũ ũtarĩ mwĩhia

[7]
Kĩũngano-inĩ kĩrĩa kĩrĩ matu-inĩ
Gĩtĩ-inĩ gĩa ciira ũrĩa mũnene
Andũ arĩa mekaga mĩtugo ta ĩyo
Gũtirĩ ũndũ ona ũmwe ũkamenyenyia

[8]
Rĩrĩa ũthingu wothe ũkarũrũngana
Maitho-inĩ ma Ngai wa Iburahimu
Arĩa aganu na ehia ngombo cia mwĩrĩ
Gũtirĩ ũkahota kwĩyũmĩrĩria.