MAITHORI NDIRAGA NDI GUKU THI

[1]
Maĩthori ndiraga ndĩ gũkũ thĩ,
Ndarĩrikana Zayuni.
Na ndamenya nama ndahotwo,
Mbara-inĩ ndigakĩnya igũrũ,
Tondũ nĩeranĩire
Gũkena nĩ arĩa makahotana

[2]
Ngũthiĩ ndĩhokete mũtharaba
Na ciĩranĩro cĩa Mwathani.
Gwitũ nĩngakinya mũcii wa matu-inĩ.
Nĩkuo ngahurũka ngocage Mwathani.
Mũkũri kĩrindi kinya tene.

[3]
Kĩeha na maithori ndiũragia,
Mwathani nĩ wakwa, wakwa bĩu.
Na niĩ ndĩ wake ma nĩnjĩrĩgĩrĩire
Mathangania ndĩri.
Ngoonane na Jesũ ũthiũ na ũthiũ.

[4]
Jesu nĩathinirio nĩ njũi,
Mũtharaba-inĩ Kalvali
Nĩguo atuike njĩra ya mũmwihoki nama,
Nĩakambata igũrũ.
Mũciĩ wa gĩkeno, agatũra hamwe na ĩthe wĩtũ

[5]
Uũiĩ Ngai baba ngwĩka atĩa?
Unyite guoko ndagũthaitha.
Tondũ ndĩrĩ na hinya,
Ngũgũtua mwĩhoko wa rũgendo rũrũ
Hotane mbara-inĩ,
Na ngatũra nawe nginya tene.

[6]
Twarikia gũtoria mbara-inũ,
Nũtũkambatio nĩ Roho.
Hamwe na andũ arĩa Atheru,
Tũkahingũrĩrwo mũrango wa igũrũ.
Tũkaheo thũmbĩ mũciĩ wa gikeno,
Wa Ithe witũ.

[7]
Rwĩmbo rwa gũtorĩa tũkainaga,
Twakinya matu-inĩ igũrũ.
Hamwe na arĩa Atheru tũkĩinĩra
Hamwe na Ithe witũ.
Na Roho Mũtheru,
Utatũ Ngai ũmwe nginya tene.

[8]
Twakinya matu-inĩ tũgatũra,
Hamwe na Mwathani mĩndi na mĩndi.
Mwĩhoko wa Atheru gĩkeno gĩa Atheru.
Mwathani witũ noguo tũkainaga.
Hamwe na arĩa Atheru ngĩnya tene.