KUROTUIKA UGUO

[1]
Kũrotuĩka ũguo Ngai e hamwe
Na arĩa merutĩte nĩguo marũthiĩ
Mariganĩirũo nĩ mĩoyo yao
Maigĩte Mwathani wao mbere.

[2]
Rũkenge nĩ rũaciarirũo thĩĩno
Rũgĩtũma aIngĩ mahonoke
Na amwe maharaganie magego
Gũkena nĩ Inyuĩ ciana cĩa ũtheri.

[3]
Mũrogĩtũũra mũmagĩrĩrio
Mũkiumagara na mũgĩcoka
Tondũ kĩmũrĩ kĩĩ mbere yanyu
Mutirĩ a gũthiaga na nduma.

[4]
Ũmũndũ wamũcokia na thutha
Ũhũgũkĩrei mũurege
Mwacokio mĩtugo-inĩ regai
Ti mũndũ wamwĩtire nĩ Ngai

[5]
Tondũ Ngai nĩ wa matha maingĩ
Ndaheanaga Roho tũcunjĩ
Tũmiugei twamenya wega
He kĩrĩa gĩgũtuma tũmĩuge.

[6]
Shaitani coka na thutha wakwa
Ndirĩ hĩndĩ ngetĩkanĩa nawe
Tondũ worĩa ndehokire Ngai
Ngiuga ndĩ wake tene na tene.

[7]
Ndũrũgĩ iĩtũ tĩ ya mũtugo
Mohiki maitũ ti ma mũtugo
Maruga maitũ ti ma mũtugo
Mothe maitũ nĩ Ngai mũtwathi.

[8]
Metha-inĩ yake tene na tene
Ũthamaki-inĩ wa tene na tene
Muoyo-inĩ wake tene na tene
Ũtũũro-inĩ wake tene na tene.