KUMA OKIAMBIRIRIA

[1]
Kuma okῖambῖriria gῖa kũmba thῖ na igũrũ,
Ndirῖ ndahitha rnũndũ wakwa ndundu.
Tondũ nῖ ndῖmwῖraga o ũndũ wothe ngwenda,
Nῖ ndῖkaga anjῖra atarῖ nganja.

Tonyai thabina-inῖ mũhonokio,
Thakame-inῖ ya Jesũ nῖ thabina ya mũico.
Nuhu aka thabina yarῖka rnagῖtonya
Mbura yoira aregi nῖ maninirwo

[2]
Nῖ nderirie rῖmwe ndamũthura Saul,
Rῖrῖa ndamũhũrithirie Samweli
Nῖ ndathire Saul akanine indo ciothe,
Na ndagatigie Kῖndũ kῖrῖ thahu.

[3]
Saul nῖaregire agῖtigia Agagi,
Ona ndũrũme imwe iria ciarῖ noru.
Ũndũ ũyũ ndwangenirie wa ũremi wa Saul,
Nῖ ndathanire aninwo hamwe nacio.

[4]
Ngwenda mũririkane ũrῖa ndathire Loti
Aikarite itũra-inῖ rῖa Sodomu
Nῖ ndamwathire Loti nῖ ngũthũkia Sodomu,
Oime kuo o na ndakanehũgũre.

[5]
Undũ ũyũ ndawῖkire nῖguo nũnge mahῖtia,
Marῖa mekirwo nῖ rnũka wa Loti.
Tondũ wa kwῖhũgũra na ũguo nῖ ndaregete,
Hinya wakwa wamũtuire o gῖcumbῖ

[6]
Ngwenda rnũririkane ndũngata ya Elisha,
Nῖ mũmῖũῖ rnũmῖtaga Gehazi,
Yerirῖirie gũtonga ona ῖnine njaga
Ndamῖgaῖire mangũ rna Namani.

[7]
Ngwenda mũrinikane Anania na mũka,
Nῖ mendirie gῖthaka kirῖ giakwa.
Marῖkia kuona mbia rnakῖgaῖra imwe,
Icio nῖcio ciatũmire mathikwo.

[8]
Ngwenda mũririkane mũrῖmi ũmwe wa tene,
Irio ciake nῖ ciaciarire mũno.
Na rῖrῖa ecũranagia araramie makũmbῖ,
Ngῖmwῖra mwῖῖro wa ngoro tiga.

[9]
Ngwenda mũririkane motonga ma Ayubu,
Nῖ merῖ wa igũrũ na wa gũkũ thῖ,
Wa gũkũ thῖ waninwo nῖ Mũnene wa thῖ-ῖno.
Ahotana merῖ nῖ ndarῖhire.

[10]
Nῖ ndutῖrwo igongona, rῖa ngoro hehenjeku,
Ona ningῖ rῖa ngoro ndumbetheku.
Igongona ta rῖu nῖrῖngenagia mũno,
Tondũ nῖ igongona rῖtari ũcuke.