KIGERANIO NI KIGERANIE

[1]
Kĩgeranio nĩ kĩgeranie
Gĩakũgeria atheru magũe
Ndagũthaitha Ngai wa igũrũ
Ũmenyere atheru aku.

[2]
Ngai Baba ngũgũthaĩtha atĩa
Nĩũndũ wa a nyũmba yaku
Arĩa Wamũrire o mbere
Na thakame ya gatũrũme

[3]
Mũkwĩrũo mũtige kũraria
Aingĩ rĩũ no mekũraria
Rĩrĩa ndungata yoiga ũhoro
Magacoka kũria ũrĩa utariĩ

[4]
Na matingĩmenya ndugata
No ta mũraika wa Ngai
Atũmwo kwa Elizabeth
Zakaria arega gwĩtĩkia

[5]
Nĩahingirũo kwaria o nginya
Rĩrĩa Elizabeth agaciara
Ĩndĩ Mariamu etĩkia
Nĩarathimirũo nĩ mũraika

[6]
Ta urĩa gwatariĩ ndĩmwĩre
Ona rĩũ noguo gũtariĩ
Mwĩtĩkia nĩetĩkie ũhoro
Na mũregi nĩathiĩ na mbere.

[7]
Magai meho nĩnjigĩte
Igai rĩa wega nĩnjigĩte
Ona rĩa ũru nonjigĩte
Mwĩtĩkia nĩetĩkie ũhoro.

[8]
Rĩu twambatĩte kĩrĩma
No ĩndĩ ndarora nĩnguona
Amwe marĩ thutha kũraya
Na arĩa njamba noo me mbere.

[9]
Urĩa wĩna ũgĩ ongerere
Na ũthingu wa ngoro ũingĩhe
Na wendani ũrĩa ũtathiraga
Wa Ngai na Jesu na Roho.