KIAMBIRIRIA GIA GUTUONIA

[1]
Kĩambĩrĩria gĩa gũtuonia, Jehova nĩ mũtheru
Ndarĩ itherũ ningĩ e ũiru, rĩrĩa ekuuga Mathani

[2]
Nĩ Adamu ũrĩa wahetwo, ũthamaki wa thĩ yothe
Na akĩhumbĩrwo na ũnene, akĩhana ta arĩ Ngai

[3]
Erirwo atũũre athiaga, thiritũ na Jehova
Na egitagie kĩgunyi-inĩ, kĩa mũtĩ ũrĩa wa muoyo

[4]
Maathani marĩa aigĩrĩiruo, ahenio akĩmarekia
Ngai akĩmũiguĩra ũru, akĩmũtunya ũthamaki

[5]
Ngoro yake yatigirwo, njaga ĩtarĩ na nguo
Na ĩgĩthengio kĩgunyĩ-inĩ, ĩgĩtwarwo thĩ ĩrĩa nyũmũ

[6]
Mũgũnda wothe Jehova, akĩũthiũrũrũkĩria
Na hiũ cia rĩrĩmbũkaga ta mwaki ũrĩa ũgwakana

[7]
Kũrathimwo nĩ igongona, rĩa mũndũ ũrĩa mũtheru
Tondũ arutaga igongona, magĩkenia Jehova.

[8]
Nyũmba yake ĩkĩrathimwo, na irathimo cia igũrũ
Na ciana ciake igũtũũra, irathimagwo nĩ Ngai.