KAHINDA GAKA NI GAKUMENYA

[1]
Kahinda gaka nĩ gakũmenya,
Tutirĩ na kĩndũ twetereire,
Ũtonga wa thĩ-ĩno na ikeno cia thĩ.
Ya nĩ cierekeire gũthira.

[2]
Kahinda gakinye ga gũtonya,
Uthamaki-inĩ urĩa utagathira.
Na tũkonaga uthiũ wa ithe witũ.
Na mĩago na ikeno cia matu-inĩ.

[3]
Nguo njerũ igũkenga ta riũa,
Cierũhĩtio nĩ ũtheri wa igũrũ.
Nĩcio tũkaheo twakinya kuo
Maithori maitũ nĩ magathira.

[4]
Tugakena hamwe na arĩa atherũ,
Arĩa makinyire mbere itũ,
Marĩkia gũtoria mbara ya thĩ,

[5]
Arĩa megũtoria mbara ya thĩ,
Na mĩago na ikeno cia mwĩrĩ ũyũ.
Acio nĩo makerwo atĩrĩrĩ,
Nĩmũrathimĩtwo igũrũ na thĩ.

[6]
Arĩa a gukũ thĩ nĩo metereire,
Mũthenya wa ituĩro ũrĩa mũkona,
Marũngiĩ ciira-inĩ wa kĩhoto,
Ikeno cia thĩ irorete mwaki-inĩ.

[7]
Makarĩraga maririkana,
Nĩ mahetwo ihinda rĩa kũmenya
Ikeno cia mwĩrĩ ũyũ itiri bata
Makĩingatwo mbere ya Ithe witũ