JESU MWEGA NA MUTUGI

[1]
Jesu mwega na mũtugi
Mũigua tha na mũhoreri
Ũka tũtũranie nawe
Tũgĩthiĩ gwaku Zayuni.

Twagũthaitha Ngai ũtũhe
Ngoro njororo ta nyama
Nĩguo ciugo ciaku theru
Cionage ha kũhurũka

[2]
Jesu okire atũĩke njĩra
Mũtharaba ũtuĩke ngathĩ
Nayo thakame tigiti
Ya gũtũtwara matũ-inĩ

[3]
Rĩrĩa ndũrĩrĩ ikeruta
Mĩthiĩre ya Isiraeli
Noguo magaciarithanio
Na ciana cia kĩrathino

[4]
Ngai erire lbrahimu
Ndarikia gũkũrathima
Nawe arĩa othe ũkarathima
Na niĩ ni ngamarathima

[5]
Johana nĩonire nyamũ
Ikiuma thĩ-inĩ wa irima
Ona Daniel nĩ onire
Igĩthũkia ciathĩ cia Ngai.

[6]
Nyamũ ĩyo yaari ya mbere
Ikĩringwo iringa rĩa gĩkuũ
Na rĩu ningĩ nĩ honu
Mũndũ ũrĩa mũũgi nĩ amenye

[7]
Kũrathimwo nĩ arĩa marĩ
Na roho wa gũkũrana
Makũranage ũrathi
Wa Daniel na kũguũrĩrio

[8]
Tuĩria wega ũmenye njĩra
Ĩrĩa ya gũthiĩ kwa Ngai
Tondũ njĩra nĩ nyingĩ ma
Cia gũthiĩ kwa mũcukani

[9]
Ngai na Jesu na Roho
Matũire moragia atĩrĩ
Andũ akwa moraga nĩkĩ
Moraga nĩ kwaga ũmenyo

[10]
Ngai na Jesu na Roho
Matũire moragia atĩrĩ
Kwĩ mũndũ ũngĩhĩtia njĩra
Arege gũcarĩrĩria
[11]
Nĩ mũkeyonera nama
Rĩrĩa Ihinda rĩgakinya
Arĩa metagwo mĩgarũ
Mahutatĩire Mwathani