JESU AKIUMA GUKU THI

[1]
Jesu akiuma gũkũ thĩ ndaarĩ ona mahĩtia,
Nawe geria ũhotane nĩgũo ũgakinya igũrũ.

Tiga ũrĩo na ũnyuo na mĩago ya gũkũ thĩ,
Ngai witũ nĩakwendete nĩkĩo akũhonokirie.

[2]
Menyerera ngoro yakũ rĩrĩa ũri Kanitha-inĩ,
Nĩwe ũtheri gwĩ kĩrĩndĩ nĩguo aingĩ mahonokio.

[3]
Ũmenyo ũtari na ũũgĩ nĩguo ũhĩngithanagia,
Ũgatũma ngoro cia aingĩ cikare itarĩ hinya.

[4]
Gũkena na kũhurũka nĩ arĩa maiyũirwo nĩ tha,
Arĩa matahĩnganaga Kanitha-inĩ wa Ngai.

[5]
Menyerera ngoro yaku ndĩgatũĩke iringĩro,
Rĩa kũrehe nyamũkano Kanitha-inĩ wa Ngai.

[6]
Ngai baba twagũthaitha ũri matũ-inĩ
Tũhoote mbara cia thĩ-ĩno na magerio ma mwĩrĩ.

[7]
Thĩ njerũ na igũrũ rĩerũ nĩkuo gũtũire ũthingu
Tũraĩ na wĩhokeku nĩguo mũkona Ngai.

[8]
Rwĩmbo rwa kũgoca Ngai nĩ rũkainwo matu-inĩ,
Haleluyah Ngai witũ ũrogocwo nĩ enyihia.