INYUI MAKANITHA NI INYUI NGWARIRIA

[1]
Inyuĩ makanitha nĩ inyuĩ ngwarĩria
Tondũ wa wĩra mũnene ũrutĩtwo
Na nĩ Roho mũtheru mwene wĩra
Mbaara nĩ nyone thĩinĩ wanyu atheru.

[2]
Atharania rĩu nĩ mokĩrĩte
Mahotomie arĩa marũgamĩte
Ndoiga nĩ Roho mũrũgamĩrĩri
Ngano nĩyo yakwa thawani ndikwenda.

[3]
Ngwaria na njokere kũrĩ inyuĩ atheru
Ngarari nĩ nyone thĩinĩ wanyu
Tondũ mĩhianano nĩ yahandirwo
Hoyai mũtaũkĩrwo ndĩmũrathime.

[4]
Cokaniai ndundu inyuothe atheru
Mwenyũranĩre ngoro ngwatanĩro
Mũhithũko wĩho na ndwĩtirũka
Wa gũthũngũthia ngoro cia arĩa igũta.

[5]
Ngĩhimbita itunda rĩa Roho wama
Mũnjikaikia anjikaraga haraihu
Tondũ ndĩ mũgendi na mũthĩnĩki
Ũtonga wakwa njĩgĩirwo matu-inĩ.

[6]
Rirĩa ndĩna gĩkeno ngathaga Ngai
Rĩrĩa ndĩna kĩeha thaithaga Ngai
Ona ndwari ciothe heaga Ngai
Ũgĩ wa mwĩrĩ ũyũ nĩ ũnditũhĩire.

[7]
Ngĩaria ũhoro wama ndingĩenyenyeka
Ngiumbũra ũhoro wama ndingĩenyenyeka
Tondũ mĩhianano yothe nĩ ĩtwĩrĩirwo
Amĩcũthĩrĩria cokai na thutha.

[8]
Matukũ maya nĩmo ma mũthia
O mũndũ ehanie na Roho
Tondũ oigi mategwĩka nĩ makĩrĩte
Na Roho mũtherũrũkaga.