HITHO ICI ClOTHE MWAHITHA

[1]
Hitho ici ciothe mwahitha nĩ ndaciona
Ona ndundu icio mwathiĩ nĩ ndaimenya
Akorũo nĩ ha ũgĩ rĩũ ndĩo mbere
Nĩ nginyũkĩtie njerekeire matu-inĩ.

[2]
Tigwoi mwarie aria ndeto na tũnua
Inyuĩ mwaragia ndeto na mũtigwĩka
Mũkĩaria ũtheru mũwaragia na tũnua
Mũkĩaria wendo muwaragia ta ng’ano

[3]
Aria mũkinyũkitie mũthiĩte igũrũ
Hutatirai maya mothe mari thĩ
Na mũkinyũkie mũcũthĩrĩire igũrũ
aria ndeto maragie.

[4]
Tiitherũ mwarũmĩrira Mwathani wanyu
Mũkĩmenyaga owega nĩwe mwene ciothe
Mwĩ thiĩni wake mũtikaga gĩakurĩa
Mũona ũnyuo na ũrĩo ndũngĩaga

[5]
Maũndũ ma thĩ ndigĩmacũthĩrĩria
Ona ndingĩmehoka ndĩ rũgendo-inĩ.
Nĩ ndĩhokete marĩa moimaga igũrũ
Nĩmo mena mũoyo na mena gĩkeno

[6]
Ndaiyũrũo nĩ gíkeno ngoiga Halleluya
Na ndaiyũrwo nĩ thayu ngoiga Amen
Nĩũndũ nĩnjiganĩtwo nĩ ũira wa-ma
Nĩkĩo ndacokia ngatho he Gatũrũme

[7]
Ngatho, nĩ ciaku Imanueli wa Ngai
Tondũ nĩwanjĩarire na Roho waku
Ona ningĩ wahonokania na gĩkuũ
Tũũra wĩ mwĩhokeku tene na tene.