GUMWIRA NAMA ITARI NA NGANJA

[1]
Ngũmwĩra nama itarĩ na nganja,
Mũndũ ũrĩa mũgĩ nĩethagathage.
Tũtirĩ na kĩndũ twetereire,
Wĩra wa Robo ũkirie gũthira.

Ndũgatindĩrĩre waigua ũkĩũrio
Rũgendo rũrũ rũgathira rĩ?
Mwathani oigire agoka ta mũici,
Matawa manyu mũtikahorie.

[2]
Mwĩthũkia ethũkie ngũmwĩra nĩguo,
Hĩndĩ ya igai akagaya ruo.
Arĩa atheru tũkĩgaya muoyo,
Na thũmbĩ ya muoyo ĩtabuthaga.

[3]
Rũgendo rũrũ ngũigua ngĩmenya,
Ndirĩ na nganja no ngahotana.
Rũĩ rwa gĩkuũ ngaringa nginye,
Mũciĩ wa igũrũ ndĩna gĩkeno.

[4]
Kũu kwa baba matu-inĩ igũrũ,
Gutirĩ kĩeha kana maithori.
Jerusalem mũciĩ mũthaka,
Nĩkuo ngatũra na ndĩmuonage.

[5]
Mwathani nĩ oigire ndagatiga,
Wake mwĩhokeku mathĩna-inĩ
Nawe tũraga wĩ mwĩhokeku,
Nanĩũkaheo tanji ya muoyo.

[6]
Niĩ nĩngwĩyuria nĩ ngakinya,
Bũrũri ũrĩa njĩrĩgagĩrĩra.
Nyume bũrũri ũyũ wa maithori,
Thiĩ kũrĩa gũtarĩ na maithori.

[7]
Kĩrĩgĩriro gĩakwa kĩnene,
Kĩrĩa ndũraga njĩrĩgĩrĩire
Nĩ muoyo ũrĩa wa tene na tene,
Na nĩ ngaheo ndakinya igũrũ.

[8]
Ndakinya igũrũ nĩngahuruka,
Na kũu ngatũra na gĩkeno.
Twĩ na arata arĩa angĩ mambatire,
Tũtũre mĩaka ĩtarĩ mũthia.

[9]
Arata akwa mũtigetigĩre,
Ona mwathĩnio mũtikamake.
Twakinya igũrũ nĩtũkarĩhwo,
Mbara iria ciothe twanahũrana.