GITI GITHERU KIA UNENE

[1]
Gĩtĩ gĩtheru kĩa ũnene gĩa ciira ũrĩa ũtũire
Ũigĩirwo ndũrĩrĩ ciothe na iruka na mĩario
Gĩa ũthamaki wa Jehova na ndahakagwo na indo
Enda ũthingu na kĩhoto na ũhoro wa ma

[2]
Ngai nĩathiũrũrũkĩirie gĩtĩ kiu gĩake
Mũkũngambura mũtheru tarĩ thumarati
Mbere yakĩo hena rũũĩ rwa muoyo rũkengaga
Nĩ rũtheru rũhenagia tarĩ gĩcicio

[3]
Na thutha wa gĩtĩ kĩa Ngai nĩ harĩ na itĩ ingĩ
Mĩrongo ĩrĩ na inya na arĩa maikarĩire
Mehumbĩte nguo njerũ na mena thũmbĩ mĩtwe
Cia thahabu magocaga Ngai me nacio

[4]
Rungu rwa gĩtĩ kĩa Ngai nĩ hatherũkaga
Mĩgambo na marũrurmĩ na rũheni na ngwa
Ona imũri ĩrĩa mũgwanja cia gũtherera gĩtĩ
Nĩ matawa ma Jehova Maroho wake

[5]
Ndungata cia gĩtĩ kĩu nĩ araika arĩa atheru
Marũgamagĩrĩra mena hiũ cia mbara
Mwĩrĩ wothe maiyũrĩtwo nĩ indo cia kũhũrana
Makai mwamũre rĩtwa rĩa Ngai na ma.

[6]
Ningĩ nyamũ inya ii muoyo irĩ ũthiũ-inĩ wake
No kaĩ itihurũkaga mũthenya na ũtukũ
Ciugaga gũthera nĩwe gũthera nĩ Jehova
Wĩ Mũtheru we ũikarĩire gĩtĩ gĩkĩ